Bakı. Trend:
Türkiyədə yaxın gələcəkdə güclü zəlzələ olacaq.
Trend-in məlumatına görə, bunu Boğaziçi Universiteti Qəndilli Rəsədxanası və Zəlzələləri Araşdırma İnstitutunun direktoru Haluk Özener deyib.
O qeyd edib: "Bütün elm adamları da bunu qəbul ediblər - Mərmərədə yaxın gələcəkdə 7-dən çox bal gücündə zəlzələ olacaq. Təkanların harada olduğunu bilirik, amma təəssüf ki, bu təbiət hadisəsinin vaxtını qabaqcadan bilmək mümkün deyil".