Bakı. Trend:
Amerikalı Tayler və Kemeron Uinklvoss ekiz qardaşları dünyanın ilk kriptovalyuta milyarderləri olub.
Trend-in məlumatına görə, ekizlərin 100 min bitkoini var ki, bu, indi 1,17 milyard dollara bərabərdir.
Qeyd olunur ki, qardaşlar ilk kriptovalyutanı 2013-cü ildə bir bitkoinin qiyməti 120 dollar olarkən əldə ediblər.
Hazırda dünyada mövcud olan hər yüz bitkoindən biri Uinklvoss qardaşlarına məxsusdur.