Bakı. Trend:
Perulu hakim Xuan Karlos Sançes Balbuena ölkənin keçmiş prezidenti Pedro Pablo Kuçinskinin ölkədən çıxmasının qadağan olunmasını tələb edən prokurorluğun sorğusunu təmin edib.
Bu barədə Trend TASS-a istinadən xəbər verir.
Məhkəmə qərara gəlib ki, Kuçinski korrupsiya haqqında araşdırmalar başa çatanadək ölkə ərazisində qalmalıdır.
Xatırladaq ki, Pedro Kuçinski bir neçə gün əvvəl konqresmenlərə rüşvət verməsi ilə əlaqədar yaranmış qalmaqal fonunda istefa barədə ərizə vermişdi.