Bakı. Trend:
Vyetnamda "Bebinca" tayfunu səbəbindən güclü daşqınlar baş verib.
Trend-in məlumatına görə, daşqınlar nəticəsində 8 nəfər həlak olub, 2 nəfər isə itkin düşmüş sayılır.
Məlumata əsasən, 10 minə yaxın insan öz evini tərk etmək məcburiyyətində qalıb.
Vyetnamın şimalında yerləşən Txanxoa əyalətinin Kuan Xoa rayonunun sədri Truonq Nxo Tu bildirib ki, daşqınlar nəticəsində rayonda 28-ə yaxın yaşayış evi təxliyə edilib.
Qeyd edək ki, "Bebinca" tayfunu bu il Cənub Çin dənizində yaranan 4-cü tayfundur.