Bakı. Trend:
Norveçli diplomat Geyr Pedersen BMT-nin baş katibinin Suriya üzrə növbəti xüsusi elçisi olacaq.
Trend-in məlumatına görə, bu barədə BMT-nin baş katibi Antoniu Quterreşin BMT Təhlükəsizlik Şurasının üzvlərinə ünvanladığı məktubda deyilir.
Məktubda bildirilir: "Bu qərarı qəbul edərkən, mən hamı ilə, o cümlədən Suriya Ərəb Respublikasının hökuməti ilə məsləhətləşmələr aparmışam".
Xatırladaq ki, daha əvvəl BMT baş katibinin Suriya üzrə xüsusi nümayəndəsi Staffan de Mistura noyabr ayının sonunda öz postunu tərk edəcəyini bildirib.