Bakı. Trend:
İraqda son günlər müşahidə olunan güclü yağışlar ölkə ərazisində daşqınlara səbəb olub.
Trend-in məlumatına görə, daşqınlar nəticəsində ölkənin müxtəlif əyalətlərində ümumilikdə azı 21 nəfər həlak olub, 180 nəfər isə xəsarət alıb.
İraq parlamentinin spikeri Məhəmməd əl-Xalbusi BMT və humanitar təşkilatlara yardım göstərmələri üçün müraciət edib.
İraqın baş naziri Adel Abdel Mehdi hərbçilərin iştirakı ilə Salah-əd-Dində böhran qrupunun yaradılması barədə göstəriş verib. İnsanların xilas edilməsi üçün helikopterlər və ağır texnikalardan istifadə olunacaq.