Bakı. Trend:
Gürcüstanın paytaxtı Tbilisidə yaşayış evində partlayış baş verib.
Trend-in məlumatına görə, bu barədə Fövqəladə halların idarə olunması üzrə Xidmətdən bildiriblər.
Məlumata əsasən, partlayış nəticəsində 2 mərtəbəli evin divarları uçub və 2 nəfər xəsarət alıb. Partlayışda xəsarət alanların həyati təhlükəsi yoxdur.
Hadisə yerində 4 briqada yanğınsöndürən-xilasedicilər işləyir. Partlayış səbəbi barədə məlumat verilmir.