Bakı. Trend:
Yəmənin "Ənsar Allah" hərəkatının üsyançıları (husilər) Abha şəhərində yerləşən beynəlxalq hava limanına hücum edib.
Trend-in məlumatına görə, həmin hücum pilotsuz uçuş aparatları vasitəsilə həyata keçirilib.
Bildirilir ki, ötən şənbə günü, üsyançılar, Yəməndən Səudiyyə Ərəbistanının cənub-qərbində olan Abha və Jizan şəhərlərindəki iki hava limanını atəşə tutub.
Bunu etməzdən əvvəl husilər Ər-Riyad tərəfindən Yəməndə hərbi əməliyyatlar davam edildiyi halda yeni hücum təşkil edəcəklərini deyib.