Bakı. Trend:
Keçmiş Çexoslovakiyanın sonuncu baş naziri, qısa müddət ölkənin prezidenti vəzifəsini müvəqqəti icra edən Yan Straski 79 yaşında vəfat edib.
Trend-in "TASS"a istinadən verdiyi məlumata görə, siyasətçi noyabrın 6-sı Praqada yerləşən qocalar evlərindən birində dünyasını dəyişib.
Sağçı-liberal fikirlərini ifadə edən Y. Straski, 1992-ci il iyulun 2-dən dekabrın 31-dək Çexoslovakiyanın Baş naziri olub. İyulun 20-dən sonra qısa müddət ərzində ölkənin prezidenti vəzifəsini müvəqqəti icra edib.