Bakı. Trend:
Tək mühərrikli idman təyyarəsi Çexiyanın Litomerjitse şəhəri yaxınlığında qəzaya uğrayıb.
Trend-in məlumatına görə, bu barədə ölkə polisinin nümayəndəsi Alyona Bartoşova deyib.
Bildirilir ki, hadisə nəticəsində pilot həlak olub:
"Tək mühərrikli təyyarə Elba çayına çırpılaraq düşüb. Pilot həlak olub. Faciə Litomerjitse şəhəri yaxınlığındakı Kreşitse yaşayış məntəqəsi yaxınlığında baş verib".
İdman təyyarəsinin qəzaya uğramasının səbəbləri hələ müəyyənləşdirilməyib.