Bakı. Trend:
Kolumbiyada iki avtobusun iştirak etdiyi yol qəzasında ən azı 16 nəfər yaralanıb.
Trend-in məlumatına görə, bu barədə "RSN" radiostansiyası bildirib.
Məlumata əsasən, hadisə Bukaramanqa şəhərində (Santander departamentinin paytaxtı) baş verib. Avtobuslardan biri başqa bir nəqliyyat vasitəsinə çırpılıb.
Qəza nəticəsində iki nəfər azyaşlı olmaqla 16 nəfər müxtəlif dərəcəli bədən xəsarətləri alıb.
Səlahiyyətlilər hadisə ilə əlaqədar araşdırmaya başlayıb.