Bakı. Trend:
Cənubi Koreyada yeni növ koronavirusdan ölənlərin sayı 7 nəfərə çatıb.
Trend-in məlumatına görə, bu barədə ölkənin Səhiyyə Nazirliyinin Xəstəliklərə Nəzarət və Profilaktikası Mərkəzindən bildiriblər.
Məlumata əsasən, koronavirusa yoluxanların sayı 161 nəfər artaraq 763 nəfərə çatıb. Daha əvvəl 602 nəfərin koronavirusa yoluxduğu, 6 nəfərin isə öldüyü bildirilirdi.
Qeyd edək ki, Çində yeni növ koronavirusa yoluxanların sayı 77042 nəfərə çatıb, onlardan 2445 nəfəri ölüb, 22,8 mindən artıq insan isə sağalıb.