Bakı. Trend:
Ermənistanda 6 yeni koronavirusa yoluxma faktı aşkar edilib, xəstələnənlərin ümumi sayı 78-ə çatıb.
Trend-in məlumatına görə, bu barədə ölkənin Səhiyyə Naziri Arsen Torosyan deyib.
A.Torosyan bildirib: "Altı yeni təsdiqlənmiş koronavirusa yoluxma faktı var... Ümumi sayı 78-ə çatıb".
Bundan əvvəl respublikanın hakimiyyət orqanları 72 təsdiqlənmiş koronavirusa yoluxma faktı barədə məlumat vermişdilər.
Martın 11-də Ümumdünya Səhiyyə Təşkilatı yeni koronavirusun (COVID-19) yayılmasını pandemiya xəstəliyi elan edib. Dünyanın 150-dən çox ölkəsində 173 mindən çox insan artıq yoluxub, əksəriyyəti sağalıb, 7 mindən çox insan ölüb.