Bakı. Trend:
İspaniya Deputatlar Konqresi (parlamentin aşağı palatası) ölkə hökumətinin yeni koronavirusun yayılması ilə əlaqədar yüksək hazırlıq rejimini mayın 10-dək uzatmasına dair sorğunu qəbul edib.
Trend-in məlumatına görə, iclas demək olar ki, boş bir zalda keçirilib: 300-ə yaxın millət vəkili distant şəkildə səs verib.
Qeyd edək ki, 15 günlük yüksək hazırlıq rejiminin tətbiqi martın 14-də İspaniya Nazirlər Şurası tərəfindən təsdiqlənib.