...

Koronavirusun mutasiyalarının gözlənilməz olduğundan qorunma tədbirləri davam etdirilməlidir - ÜST

Dünya xəbərləri Materials 4 Mart 2021 07:11 (UTC +04:00)
Koronavirusun mutasiyalarının gözlənilməz olduğundan qorunma tədbirləri davam etdirilməlidir - ÜST

Trend-i buradan izləyin

Bakı. Trend:

Ümumdünya Səhiyyə Təşkilatı (ÜST) koronavirusun mutasiyalarının gözlənilməz olduğundan virusa qarşı qorunma tədbirlərinin davam etdirilməsinə çağırır.

Trend-in məlumatına görə, bunu "Rossiya-24" telekanalına müsahibəsi zamanı ÜST-nin Rusiyadakı nümayəndəsi Melita Vuyanoviç deyib.

M.Vuyanoviç bildirib: "Yeni mutasiyalar bütün laboratoriyaların ciddi nəzarəti altındadır. Rusiyada da genetik tədqiqatlar aparılır. <...> Hansı mutasiyaların olacağını və mutasiyalara nələrin səbəb olacağını heç kim qabaqcadan görə bilməz, bu səbəbdən qorunma tədbirlərin davam etdirilməsi çox vacibdir".

ÜST-nin nümayəndəsi qeyd edib ki, tibbi maskalardan istifadə, şəxsi gigiyena və sosial məsafə pandemiya ilə mübarizədə zəruri tədbirlərdir: "Mümkün olan hər şeyi etmək çox vacibdir: həm peyvəndlər, həm fiziki məsafə, həm gigiyena, həm də maskalar, çünki virusun yayılmasını dayandırmalıyıq".

Məqalədə:
Xəbər lenti

Xəbər lenti