Bakı. Trend:
ABŞ-ın Florida ştatında 12 mərtəbəli yaşayış binasının çökməsi nəticəsində ölənlərin sayı 22 nəfərə çatıb.
Trend-in məlumatına görə, bu barədə mətbuat konfransında Mayami-Deyd dairəsinin başçısı Daniella-Livayn Kava bildirib.
Onun sözlərinə görə, gün ərzində daha 2 nəfərin cəsədi dağıntılar altından çıxarılıb: "Beləliklə, ölənlərin sayı 22-yə yüksəlib".
Qeyd edək ki, iyunun 24-nə keçən gecə Mayami (Florida ştatı) yaxınlığında çoxmərtəbəli yaşayış binasının çökməsi baş verib.