Bakı. Trend:
Rusiyanın Kuril adaları yaxınlığında Sakit okeanda 5,4 bal gücündə zəlzələ qeydə alınıb.
Trend-in məlumatına görə, bu barədə Rusiya Elmlər Akademiyasının Vahid Geofizika xidməti bildirib.
Məlumata əsasən, zəlzələnin episentri Suşimir adası yaxınlığındadır. Təkanların ocağı 80 kilometr dərinlikdə qeydə alınıb.
Sunami təhlükəsi elan edilməyib. Xəsarət alan və dağıntılar yoxdur.