...

Yaponiyada koronavirusa yoluxma üzrə ən yüksək göstərici qeydə alınıb

Dünya xəbərləri Materials 4 Avqust 2021 15:55 (UTC +04:00)
Yaponiyada koronavirusa yoluxma üzrə ən yüksək göstərici qeydə alınıb

Bakı. Orxan Nəbiyev - Trend:

Yaponiyada son sutka ərzində 14,2 min nəfər koronavirusa yoluxub.

Trend-in məlumatına görə, bu, pandemiyanın əvvəlindən etibarən ölkədə qeydə alınan ən yüksək göstərici olub.

Eyni zamanda, Yay Olimpiya Oyunlarının keçirildiyi paytaxt Tokioda da 4 166 nəfər virusa yoluxub ki, bu pandemiya dövründə qeydə alınan ən yüksək göstəricidir.

Tokioda xəstəxanalarda yer çatışmazlığının olduğu deyilir. İyulun 15-dən etibarən evdə müalicə almaq məcburiyyətində qalan şəxslərin sayı 11 dəfə artaraq 10 min nəfərə çatıb.

Bu günədək Yaponiyada koronavirusa yoluxanların sayı 972 minə çatıb, 15,2 min nəfər vəfat edib.

Ölkənin bəzi prefekturalarında avqustun 2-dən 31-dək fövqəladə vəziyyət elan edilib.

Məqalədə:
Xəbər lenti

Xəbər lenti