Bakı. Trend:
İsveç bizim tələb etdiyimiz 73 terrorçudan 3-4 nəfərini göndərib, amma bu, kifayət deyil.
Trend-in məlumatına görə, bunu Türkiyə Prezidenti Rəcəb Tayyib Ərdoğan NATO sammitindən qayıdandan sonra jurnalistlərə açıqlamasında deyib.
"Əlbəttə, bu prosesi bizim Ədalət Nazirliyi, Daxili İşlər Nazirliyi, Milli İstihbarat Təşkilatı nəzarət altında saxlayacaq və terrorçuların qaytarılmasını tələb edəcək. Bu, bizim tələblərimiz sırasındadır. Terrorçular təhvil verilməsə, biz zəruri addımlar atacağıq", - deyə o bildirib.
Qeyd edək ki, bir neçə gün əvvəl Türkiyə müəyyən şərtlər qarşılığında İsveç və Finlandiyanın NATO-ya üzvlüyünə razılıq vermişdi.