Bakı. Trend:
İtaliya prezidenti Sercio Mattarella baş nazir Mario Draqinin istefasını qəbul etməyib.
Trend-in məlumatına görə, bu barədə İtaliya prezidentinin rəsmi saytında bildirilib.
Qeyd olunub, S.Mattarella M.Draqi ilə Kvirinal sarayında görüşüb:
"Respublika Prezidenti istefanı qəbul etməyib və bu gün Respublika Senatında keçirilən iclasdan sonra yaranmış vəziyyəti qiymətləndirmək üçün Şura sədrini Parlamentə gəlməyini təklif edib".
xxx
21:51
İtaliyanın baş naziri Mario Draqi istefa vermək qərarına gəldiyini açıqlayıb.
Trend-in məlumatına görə, bu barədə "Corriere della Sera" qəzeti xəbər verib.
Məlumata əsasən, o, istefa ərizəsini iyulun 14-ü axşam prezident Sercio Mattarellaya göndərəcək.
M.Draqi müvafiq kommunike yayıb və getmək niyyətini hökumətinin əksər siyasi qüvvələrin dəstəyini itirməsi ilə izah edib.
O xatırladıb ki, inauqurasiya nitqində hökumətinin öz proqramını yerinə yetirmək perspektivi olduğu müddətdə işləyəcəyinə söz verib. Onun sözlərinə görə, bu proqram çoxluğun etimadını itirib və hakim koalisiyada fikir ayrılıqları yaranıb.