Bakı. Trend:
Rusiyanın Krasnodar diyarında An-2 təyyarəsi qəzaya uğrayıb.
Trend xəbər verir ki, bu barədə Rusiyanın region üzrə Fövqəladə Hallar Nazirliyinin Baş İdarəsindən bildiriblər.
"Saat 22:30-da Novokubanski rayonu, Proçnookopskaya kəndi yaxınlığında eniş zamanı elektrik xətti ilə toqquşması nəticəsində An-2 təyyarəsi qəzaya uğraması barədə məlumat daxil olub", - deyə açıqlamada deyilir.
Qəza yerində yanğın olmadığı qeyd edilir. Ərazidə 31 nəfər və 11 texnika çalışır.
Qeyd edilir ki, qəza nəticəsind təyyarənin hər iki pilotu həlak olub.