Bakı. Trend:
ABŞ-ın "Falcon 9" raket-daşıyıcısının təkrar istifadə edilə bilən birinci pilləsi Atlantikada üzən platformada uğurlu idarə olunan eniş edib.
Trend-in məlumatına görə, bu barədə "SpaceX" şirkəti xəbər verib.
Məlumata əsasən, raket-daşıyıcı ABŞ operatoru olan "Intelsat" şirkətinin iki "Galaxy 33" və "Galaxy 34" telekommunikasiya peyki ilə orbitə çıxarılıb.
Raket Floridadakı Kanaveral Burnunda yerləşən kosmodromdakı 40-cı buraxılış kompleksindən şənbə günü ABŞ-ın şərq sahili vaxtı ilə saat 19:05-də buraxılıb.