Bakı. Trend:
İtaliya prezidenti Sercio Mattarella sağçı "İtaliya qardaşları" partiyasının lideri Corca Meloniyə hökuməti qurmağı tapşırıb.
Trend-in məlumatına görə, bu barədə ölkə prezidenti administrasiyasının baş katibi Uqo Dzampetti deyib.
Onun sözlərinə görə, C.Meloni nazir vəzifələrinə namizədlərin siyahısını dərhal prezidentə təhvil verib.
Yeni nazirlərin andiçmə mərasimi oktyabrın 21-i şənbə günü səhərə planlaşdırılıb.
C.Meloninin siyahısına baş nazirin iki müavini daxildir: bunlar "Liqa" partiyasının rəhbəri Matteo Salvini (İnfrastruktur naziri) və "İrəli, İtaliya" partiyasının tanınmış nümayəndəsi Antonio Tayani (xarici işlər naziri) olacaq.