Bakı. Trend:
Türkiyənin Hatay əyalətində zəlzələdən sonra çökən binada yanğın baş verib.
Trend Türkiyə KİV-lərinə istinadən xəbər verir ki, hadisə yerinə gələn yanğınsöndürənlər yanğının qarşısını alıblar.
Qeyd edilir ki, sözügedən bina fevralın 6-da Kahramanmaraşda baş verən zəlzələdən sonra təxliyə edilmişdi.
Xatırladaq ki, Türkiyənin Hatay əyalətində 6,4 və 5,8 bal gücündə zəlzələlər baş verib.
Son məlumatlara əsasən, zəlzələ nəticəsində 3 nəfər həlak olub, 213 nəfər isə xəsarət alıb.