Bakı. Trend:
Türkiyənin Manisa şəhərində kütləvi zəhərlənmə baş verib.
Trend xəbər verir ki, şəhərdə bir çox insanlar vəziyyətləri pisləşdiyi üçün təcili tibbi yardıma müraciət ediblər.
Xəstəxanada müalicə alan 350 nəfərin 321-i evə buraxılıb. Hazırda 29 xəstənin müalicəsi davam etdirilir.
Qeyd edək ki, işçilərin şəhərdə iş yerlərinə xidmət göstərən qida paylama şirkətinin təqdim etdiyi məhsullardan zəhərləndiyi güman olunur. Faktla bağlı araşdırma aparılır.