Bakı. Trend:
ABŞ-ın Ohayo sinfinə aid strateji nüvə sualtı qayığı Yaxın Şərqə gəlib.
Trend xəbər verir ki, bu barədə ABŞ Silahlı Qüvvələrin Mərkəzi Komandanlığı (CENTCOM) öz X (Twitter) hesabında paylaşım edib.
“Ohayo sinfinə aid nüvə sualtı qayığı ABŞ Mərkəzi Komandanlığının cavabdehlik zonasına çatıb”, - deyə məlumatda bildirilib.
Qeyd edək ki, ABŞ Mərkəzi Komandanlığının cavabdehlik zonasına Yaxın Şərq, Şərqi Afrika və Mərkəzi Asiya daxildir.