Bakı. Trend:
ABŞ Prezidenti Co Bayden İordaniyada ABŞ qüvvələrinə hücumla bağlı mümkün variantları nəzərdən keçirir.
Trend-in məlumatına görə, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.
“ABŞ liderinin dediyi kimi, biz seçdiyimiz vaxtda öz cədvəlimizə uyğun cavab verəcəyik”, - deyə o bildirib.
Bundan əvvəl ABŞ-ın müdafiə naziri Lloyd Ostin İordaniyada pilotsuz uçan aparatla vurulan bazada üç amerikalı əsgərin həlak olması ilə bağlı başsağlığı verib.