Bakı. Trend:
Kollektiv Təhlükəsizlik Müqaviləsi Təşkilatı (KTMT) özünü söndürüb və fəaliyyət göstərmir.
Trend xəbər verir ki, bunu Ermənistan parlamentinin spikeri Alen Simonyan jurnalistlərə deyib.
"Baş nazir Nikol Paşinyanın Ermənistanın KTMT-də iştirakını dondurması ilə bağlı açıqlamasını xatırladan Simonyan təşkilata sual ünvanladıqlarını, lakin bu sualların cavabsız qaldığını deyib.
"Biz KTMT-yə sual verdik ki, onun məsuliyyət zonası hansıdır? Lakin hələlik bu suala cavab yoxdur, KTMT özünü "söndürüb" və fəaliyyət göstərmir", - deyə Simonyan bildirib.
Qeyd edək ki, bir qədər əvvəl Ermənistanın baş naziri Nikol Paşinyan Fransanın "France 24" telekanalına müsahibəsində Ermənistanın KTMT-də iştirakını dondurduğunu bildirib.