Bakı. Trend:
İsrailin ötən gecə həyata keçirdiyi hava hücumlarından sonra İran hökumətinə bağlı ivrit dilində paylaşımlar edən "X" hesabında diqqətçəkən bir paylaşım edilib.
Trend-in "Azad İran"a istinadən verdiyi məlumata görə, həmin paylaşımda İranın İsrailə qarşı "Doğru Vəd-3" əməliyyatını həyata keçirəcəyi qeyd olunub.
Xatırladaq ki, İran SEPAH-ın (İslam İnqilabı Keşikçiləri Korpusu) oktyabrın 1-də İsrailə qarşı keçirdiyi hücumu "Doğru Vəd-2" adlandırmışdı. İran rəsmiləri yeni əməliyyatın İsrailin son hücumlarına cavab olaraq daha təsirli olacağını vurğulayıb.