Bakı. Trend:
Fransa Prezidenti Emmanuel Makron və Ukrayna Prezidenti Volodimir Zelenski Parisdə görüşüblər.
Trend xəbər verir ki, görüş Ukraynada sülhməramlı qüvvələrin yerləşdirilməsinin müzakirə olunacağı sammit ərəfəsində baş tutub.
Yelisey sarayında keçirilən mətbuat konfransında Makron Ukraynaya 2 milyard avro məbləğində yeni hərbi yardım paketi ayırdıqlarını açıqlayıb.
"Bu gün Ukraynaya 2 milyard avro məbləğində yeni dəstək paketi barədə elan etmək istərdim. Bu dəstək Ukrayna Silahlı Qüvvələrinin prioritet ehtiyaclarına uyğun olmalıdır", – Makron bildirib.
Yardım paketinə aşağıdakı silah və texnikalar daxildir:
MILAN tank əleyhinə raketləri
MICA hava hücumundan müdafiə raketləri
Mirage döyüş təyyarələri üçün raketlər
Mistral yerüstü müdafiə raketləri
AMX-10RC zirehli maşınları
Uzaqdan idarə olunan döyüş sursatları
Bundan əlavə, Fransa Ukraynada hərbi texnika istehsalını maliyyələşdirəcək.
Qeyd edək ki, martın 20-də Zelenski Makronun zənginə dərhal cavab verməkdən imtina etmiş, brifinqdə olduğunu bildirərək, 15-20 dəqiqə sonra geri zəng edəcəyini vəd etmişdi.