Bakı. Trend:
Almaniyada “Almaniya üçün Alternativ” (AfD) partiyası ölkədəki bütün siyasi partiyalar arasında lider olub və onun bəyənmə reytinqi 26%-ə çatıb.
Trend-in məlumatına görə, bu barədə avqustun 12-də "N-tv" kanalı özünün "YouTube" kanalında məlumat yayıb.
Trend Barometer sorğusunun nəticələrinə əsasən, Almaniya əhalisinin siyasi əhval-ruhiyyəsində dəyişiklik baş verib. “Almaniya üçün Alternativ” hazırda ölkənin ən güclü siyasi qüvvəsi sayılır. CDU/CSU fraksiyası isə 24% səslə ikinci yerdədir və ötən həftə ilə müqayisədə səslərini itirib.
Kanalın bildirdiyinə görə, respondentlərin üçdə ikisi Almaniya kansleri Fridrix Merzin işindən narazıdır. Onun qərarlarına dəstək səviyyəsi 29%-ə qədər azalıb.
"N-tv" qeyd edir ki, kanslerin işindən narazı olanların sayı sorğuda iştirak edənlərin üçdə ikisini təşkil edir.