Bakı. Trend:
Avropa ölkələri Moskvaya qarşı Amerikanın sanksiyalarının sərtləşdirilməsini istəyirlərsə Rusiyadan qaz və neft idxalından imtina etməlidirlər.
Trend xəbər verir ki, bunu ABŞ-nin energetika naziri Krist Rayt “Financial Times”a verdiyi müsahibədə deyib.
“Əgər avropalılar (qırmızı) xətt çəkib desəydilər ki, “ biz daha Rusiya qazı almayacağıq, biz daha Rusiya nefti almayacağıq”, bu ABŞ-nin daha aqressiv siyasətə meyl göstərməsinə müsbət təsir gösətərdimi? Tamamilə doğrudur, göstərərdi”,- deyə Rayt bildirib.
O bildirib ki, Avropa ölkələri Rusiya əvəzinə mayeləşdirilmiş təbii qazı, benzini və başqa neft-qaz məhsullarını Birləşmiş Ştatlardan almalıdırlar.