Bakı. Trend:
Yaponiya Baş naziri Sanae Takaiçinin ofisində milli təhlükəsizlik məsələlərindən məsul olan adı açıqlanmayan bir rəsmi Tokionun nüvə silahına ehtiyacı olduğunu bildirib.
Trend xəbər verir ki, onun sözlərini Kyodo xəbər agentliyi sitat gətirib.
Rəsmi qeyd edib: “Mən inanıram ki, Yaponiyanın nüvə silahına sahib olması lazımdır”.
Yaponiya hazırda nüvə silahı olmayan üç prinsipə sadiqdir: nüvə silahına sahib olmamaq, istehsal etməmək və idxal etməmək.
Oktyabrın sonlarında Baş nazir Sanae Takaiçinin vəzifəyə başlamasından sonra Parlamentdəki çıxışında Yaponiyanın bu prinsiplərinə sadiqliyindən yayındığı müşahidə olunub. O, gələcək müdafiə strategiyasının konkret formullarını müzakirə etməyin hələ vaxtı olmadığını bildirib.