Bakı. Trend:
Avropa Komissiyası (AK) \Avropa üçün Təhlükəsizlik Fəaliyyəti (SAFE) təşəbbüsü çərçivəsində maliyyələşdirmənin birinci dalğasının təsdiqlənməsindən sonra ikinci milli müdafiə planları dəstini təsdiqlədiyini açıqladı.
Trend-in məlumatına görə, bu barədə AK-nin icraçı vitse-prezidenti Henna Virkkunen bildirib.
"Avropa öz müdafiəsini və təhlükəsizliyini gücləndirir. Bugünkü geosiyasi reallıqda biz tez bir zamanda hərəkətə keçməliyik. Bu ikinci maliyyələşdirmə mərhələsi ilə birliyimizi daha təhlükəsiz və özünütəmin edən hala gətirmək üçün böyük bir addım atırıq. Biz Avropa təhlükəsizliyi üçün daha güclü təməl qururuq və Ukraynadakı tərəfdaşlarımızla möhkəm dayanırıq", - deyə o bildirib.
Avropa Komissiyası Yunanıstan, İtaliya, Latviya, Litva, Polşa, Slovakiya, Finlandiya və Estoniyanın müdafiə planlarının həyata keçirilməsi üçün maliyyə yardımının təsdiqlənməsi ilə bağlı Aİ Şurasına təklif təqdim edib.