Bakı. Trend:
Almaniyanın dron istehsalçısı "Quantum-Systems" şirkəti Ukrayna Milli Qvardiyasına 15 min ədəd dron tədarük etmək üçün sifariş alıb.
Trend xəbər verir ki, bu barədə şirkətin yaydığı mətbuat açıqlamasında bildirilib.
Məlumata əsasən, müqavilə "Quantum-Systems"in Ukraynanın "WIY Drones" şirkətinə etdiyi investisiyanın nəticəsi olaraq imzalanıb. Alman şirkəti təcili əməliyyat ehtiyaclarını qarşılamaq məqsədilə əsasən Ukraynada "STRILA" tipli dronların istehsalını genişləndirməyi planlaşdırır.
Qeyd edək ki, "Quantum-Systems" 2015-ci ildə təsis olunub və baş ofisi Münhen şəhərində yerləşir. Şirkət hərbi və mülki məqsədlər üçün kəşfiyyat və müşahidə dronlarının istehsalı üzrə ixtisaslaşıb.