Bakı. Trend:
Taylandda ikimərtəbəli avtobusun qəzaya uğraması nəticəsində ən azı 28 nəfər xəsarət alıb.
Trend-in məlumatına görə, bu barədə "Matichon" qəzeti xəbər verib.
Məlumata əsasən, avtobus Suratthanidən Banqkoka gedirdi. Yerli vaxtla təxminən saat 4:00 radələrində təcili yardım xidmətlərinə Tayland paytaxtından təxminən 100 km aralıda yerləşən Petçaburi vilayətində nəqliyyat vasitəsinin aşdığı barədə zəng daxil olub.
İlkin araşdırma zamanı avtobusda 31 nəfərin olduğu, onlardan 23-ünün yüngül xəsarət, beş nəfərin isə orta dərəcəli xəsarət aldığı məlum olub.
Hadisə yerinə gələn təcili yardım maşınları stasionar müalicəyə ehtiyacı olan zərərçəkənləri xəstəxanaya aparıblar.
