Rusatomun başçısı Serqey Kirienko təsdiq edib ki, İran Buşəhrdə atom elektrik stansiyasının tikintisinə vəsaiti təmin edib.
"Yarım aylıq da olsa, ilk ödəniş gəldi" - bazar ertəsi Kirienko jurnalistlərə deyib.
Rusatom başçısının köməkçisi Sergey Novikovun RİA Novosti -yə verdiyi məlumata görə, Atomtikintiixracat İranın "Buşəhr" AES-ın tikintisi üçün ilk ödənişi alıb.
Onun sözlərinə görə, Rusiya İranın bu addımını müsbət qiymətləndirir.
"Bizim İranlı tərəfdaşlarımızın öz çətinliklərini dəf etməsi yaxşıdır, lakin bu, meydançanın tələblərini tam təmin etmir" - Novikov deyib. Ödənişin məbləği barədə suala cavabında o bildirib ki, adi vəziyyətdə Buşəhr AES -ın normal tikinti fəaliyyəti üçün hazırkı ödəniş yarım ayın xərclərini ödəyə bilər.
Novikov dəqiqləşdirib ki, Atomtikintiixracat "Buşəhr" AES meydançasında tikintini davam etdirir. "Atom stansiyasının tikintisilə 2 mindən çox rusiyalı mütəxəssis məşğuldur"- deyə Rusatomun nümayəndəsi bildirib.
Buşəhrdə İran AES-ın tikintisi ətrafında problemlər İranın layihəni maliyyələşdirmək öhdəliyini pozması səbəbindən yaranmışdı.