Gürcüstan, Tiflis/ Trend müxbir N.Kirsxalia/ Dəmir Yolları Birliyi Təşkilatına (DYBT) üzv olan ölkələrin dəmir yollarının baş direktorlarının Tiflisdə keçirilən 22-ci konfransının nəticələrinə əsasən yekun protokol imzalanıb.
"Gürcüstan dəmir yolları" QSC-dən verilən məlimata görə, konfrans zamanı 2006-cı ilin yekunları nəzərə çatdırılıb və gələcək planlar müzakirə olunub. "Şərq-Qərb" nəqliyyat dəhlizinin inkişafı baxımından konfransın işinin yekunları Gürcüstan dəmir yolu üçün çox mühümdür", - deyə bildirilib.
Müşavirə zamanı tərəflər yük və sərnişin daşımaları, həmçinin maliyyə məsələlərini müakirə ediblər. Görüş iştirakçıları Gürcüstanın Poti limanında çoxprofilli terminalın tikilməsi ilə bağlı qərar açıqlayıblar. Bundan əlavə, 2006-cı ildə DYBT-in infrastruktur və dəmiryol vasitələri, informatika və kodlaşdırma üzrə komissiyaların fəaliyyətinin yekunalrına baxılıb.
Konfransın işində 23 ölkədən 120 nümayəndə iştirak edib. Növbəti konfrans gələn il İranda təşkil olunacaq.