Azərbaycan, Bakı, 10 iyun /Trend, müxbir İlkin İzzət/
Avropa Oyunlarında ölkəmizi təmsil edəcək güləşçilərimiz yarışlara az müddət qalmış azarkeşlərə müraciət edib.
Trend Azərbaycan Güləş Federasiyasına (AGF) istinadən həmin müraciətin video yazısını təqdim edir.
Qeyd edək ki, tarixdə ilk dəfə keçiriləcək Avropa Oyunları çərçivəsində güləş yarışları iyunun 13-18-də Heydər Əliyev adına İdman Sarayında keçiriləcək.
"Bakı-2015"in proqramına hər 3 güləş növü üzrə yarışlar daxil edilib və ümumilikdə 24 çəki dərəcəsində qaliblər müəyyənləşəcək. Yarışların ilk iki günündə yunan-Roma güləşçiləri mübarizə aparacaq. İyunun 15-16-da qadın, 17-18 iyunda isə sərbəst güləşçilər yarışacaq.