Azərbaycan, Bakı, 1 iyul /Trend/
"Qış Avropa Oyunlarının keçirilməsi məsələsi heç vaxt yüksək səviyyədə müzakirə olunmayıb".
Trend-in TASS-a istinadən verdiyi məlumata görə, bunu Rusiya Olimpiya Komitəsinin prezidenti Aleksandr Jukov deyib.
Onun sözlərinə əsasən, Qış Olimpiya Oyunlarının iştirakçıları, əsasən, Avropa ölkələrinin idmançılarıdır: "Yalnız ABŞ və Kanada nümayəndələri onlarla ciddi rəqabət apara bilirlər. Buna görə də Qış olimpiadasında avropalı idmançılar birinci yer uğrunda onsuz da öz aralarında tez-tez rəqabət aparırlar. Yay Oyunlarında isə mənzərə başqadır".