Azərbaycan, Bakı, 18 may /Trend, müxbir Ş.Cavadsoy/
Almaniyan ın Düsseldorf şəhərində keçirilmiş 56-cı "Eurovision" mahnı müsabiqəsində bütün türk dünyasına birincilik sevinci yaşadan Eldar Qasımovla Nigar Camal duetinin uğuruna sevinənlər arasında Türkiyənin tanınmış müğənniləri də var. Trend Türkiyənin www.xn--kadnca-r9a.com.tr saytına istinadən xəbər verir ki, Nigar Camalın səhnəyə qardaş ölkənin bayrağı ilə çıxmasına tanınmış türkiyəli müğənnilərindən hesab olunan Faruk K tərəfindən jest edilib.
Mayın 17-də İstanbulda Kral TV-nin təsis etdiyi sayca 17-ci Kral Musiqi Mükafatının təqdimetmə mərasiminə qatılmış Faruk K-nın əlində tutduğu bayrağın bir üzündə Azərbaycan, digər üzündə isə Türkiyə bayrağı əks olunub. Tədbir öncəsi populyar Türkiyə tele-aparıcısı Ece Erkenin suallarını cavabladıran müğənni, "Azərbaycan təmsilçilərinin etdiklərinin müqabilində göstərmiş olduğum jestlə az da olsa onlara təşəkkürümü belə nümayiş etdirməyə çalışdım" deyərək, sevincimizə şərik olduğunu söyləyib.