Azərbaycan, Bakı, 28 dekabr / Trend müxbir M.Əliyev/
Azərbaycanın mədəniyyət və turizm naziri aktyorları nizam-intizamlı olmağa çağırıb.
"Hər bir teatr xadimi böyük kollektivin üzvüdür. Və onun əməkdar, xalq artisti olmağından asılı olmayaraq, o, teatrın müəyyənləşdirdiyi nizam-intizam qaydalarına əməl etməlidir", - Trend-in məlumatına görə, Azərbaycan Dövlət Dram Teatrının aktyorları Rafael Dadaşov, Ramiz Novruz və Məleykə Əsədovanın məşqə gecikdiklərinə görə ciddi xəbərdarlıq almalarına münasibət bildirərəkən nazir Əbülfəs Qarayev çərşənbə günü jurnalistlərə deyib.
Onun sözlərinə görə, teatr kollektivlərinin tərkibində müəyyən dəyişikliklər edilir, həmçinin intizamın gücləndirilməsi üzrə işlər görülür.