Azərbaycan, Bakı, 19 iyun /Trend/
İyunun 11-17-də Macarıstanda keçirilən XVII Dunay Beynəlxalq Karnavalının son günündə yekun qala konsert təşkil edilib.
Azərbaycanın Macarıstandakı səfirliyindən çərşənbə axşamı Trend-ə verilən məlumata görə, Budapeştin Margit adasında keçirilən konsertdə 10 ölkənin nümayəndələri, o cümlədən Gəncə Dövlət Filarmoniyasının Göygöl Mahnı və Rəqs Ansamblı iştirak edib.
Qala konsert zamanı keçirilən rəqs müsabiqəsində Azərbaycan nümayəndələri 3-cü yer tutaraq, bürünc medalla mükafatlandırılıblar. Bununla yanaşı, konsert zamanı Azərbaycanın xalq və bəstəkar mahnıları, Azərbaycan rəqsləri ifa olunub.