...

Polad Bülbüloğlu: Rusiya "Eurovision"da Azərbaycandan 10 xal almalı idi

Mədəniyyət Materials 20 May 2013 18:26 (UTC +04:00)
Rusiyanın "Eurovision 2013" mahnı müsabiqəsindəki təmsilçisi Dina Qaripova Azərbaycanın milli səsverməsinin nəticələrinə əsasən 10 xal almalı idi.
Polad Bülbüloğlu: Rusiya "Eurovision"da Azərbaycandan 10 xal almalı idi

Azərbaycan, Bakı, 20 aprel /Trend/

Rusiyanın "Eurovision 2013" mahnı müsabiqəsindəki təmsilçisi Dina Qaripova Azərbaycanın milli səsverməsinin nəticələrinə əsasən 10 xal almalı idi. Trend-in bazar ertəsi RİA Novosti-yə istinadən verdiyi məlumata görə, bunu Azərbaycanın Rusiyadakı səfiri Polad Bülbüloğlu deyib.

Səfir qeyd edib ki, Azərbaycanın Rusiyaya heç bir səs verməməsi faktı onu bir musiqiçi və tamaşaçı kimi təəccübləndirdi: "Bu ola bilməz, halbuki Rusiya təmsilçisi həqiqətən də çox layiqli çıxış etdi və nəticədə beşinci yeri tutdu. Azərbaycanda da bu fakta görə hiddətlənənlər çox olub".

Onun sözlərinə görə, Azərbaycan Prezidenti İlham Əliyev bu məsələnin araşdırılması ilə bağlı göstəriş verib: "Hazırda səslərin hesablanması aparılır. Məndə olan məlumata görə, Azərbaycanda Rusiyaya xeyli sayda insan səs verib və buna əsasən, Rusiya Azərbaycandan 10 xal almalı idi. Bu məsələ ilə əlaqədar gecə saatlarında ölkəmiz adından "Eurovision"da iştirak etmiş Azərbaycan İctimai Televiziyasında müvafiq bəyanat veriləcək".

Məqalədə:
Xəbər lenti

Xəbər lenti