Azərbaycan, Bakı, 9 iyul /Trend/
2015-ci ilin 25-31 oktyabr tarixlərində görkəmli Azərbaycan bəstəkarı, xalq artisti, Dövlət mükafatı laureatı, professor Vasif Adıgözəlovun 80 illik yubileyi qeyd olunacaq.
Mədəniyyət və Turizm Nazirliyindən Trend-ə verilən məlumata görə, yubiley tədbiri Prezident İlham Əliyevin "Vasif Adıgözəlovun 80 illik yubileyinin keçirilməsi haqqında" imzaladığı sərəncama əsasən nazirlik tərəfindən keçiriləcək.
Tədbirlər planına uyğun olaraq il ərzində teatr-konsert müəssisələrində, musiqi məktəblərində, yaradıcılıq ittifaqlarında və digər mədəniyyət ocaqlarında V.Adıgözəlovun 80 illiyinə həsr olunan konsertlərin və tədbirlərin keçirilməsi nəzərdə tutulub.
