Bakı. Trend:
Azərbaycanın əməkdar artisti Elçin Əzizovun son uğurlu çıxışlarından biri Rusiyanın Böyük Teatrının səhnəsində Cakomo Puççininin "Manon Lesko" operasının premyerasında oldu.
Trend-in məlumatına görə, premyerada dünya operasının ulduzları Anna Netrebko və diəgr Azərbaycanın tanınmış opera müğənnisi Yusif Eyvazov da iştirak ediblər.
E.Əzizov noyabrın 12-də Azərbaycan Dövlət Opera və Balet Teatrının səhnəsində çıxış edəcək. O, bəstəkar Jorj Bizenin "Karmen" operasında Eskamilyo partiyasını ifa edəcək.
Qeyd edək ki, noyabrın 11-də saat 12:00-da Trend Xəbərlər Şirkətinin Mətbuat Mərkəzində E.Əzizovun mətbuat konfransı keçiriləcək. O, jurnalistlərlə görüşündə Moskvada Böyük Teatrdakı yaradıcılıq fəaliyyəti, uğurlu qastrolları, gələcək planları barəsində ətraflı məlumat verəcək.