...

"Jara" iştirakçısı Anna Sedokova Azərbaycan dilində təşəkkür etdi

Mədəniyyət Materials 27 İyul 2018 17:21 (UTC +04:00)
"Jara-2018" Beynəlxalq Musiqi Festivalının iştirakçısı məşhur müğənni Anna Sedokova bu tədbiri işıqlandıran KİV nümayəndələrinə Azərbaycan dilində təşəkkürünü bildirib.
"Jara" iştirakçısı Anna Sedokova Azərbaycan dilində təşəkkür etdi

Bakı. Vüqar İmanov, Cani Babayeva - Trend:

"Jara-2018" Beynəlxalq Musiqi Festivalının iştirakçısı məşhur müğənni Anna Sedokova bu tədbiri işıqlandıran KİV nümayəndələrinə Azərbaycan dilində təşəkkürünü bildirib. Trend-in məlumatına görə, özünün "Instagram" səhifəsində o, yazıb:

"Mətbuata və fotoqraflara böyük minnətdarlığımı bildirmək istəyirəm. Bizim uğurumuz ümumi işimizdir. Təşəkkür edirəm".

Məhz "təşəkkür edirəm" ifadəsini tanınmış müğənni Azərbaycan dilində yazıb.

Qeyd edək ki, Bakı üçüncü ildir ki, “Jara” Beynəlxalq Musiqi Festivalına ev sahibliyi edir.

Bu gün festival çərçivəsində Leonid Aqutin və Valeriyanın yubiley gecələri keçiriləcək. Habelə EMIN, The Jigits, Aleksandr Panayotov, Aleksey Çumakov, Anjelika Varum, Ani Lorak, Anna Sedokova, Anya Şulqina, Valeriya, Vladimir Presnyakov, Qlyuk’oza, Qriqori Leps, Danil Buranov, Jasmin, İrina Dubtsova, Kristina Orbakayte, Natali, Natalya Podolskaya, Nikolay Baskov, Slava, Stas Pyexa, Filip Kirkorov, Yulianna Karaulova, Yuliya Kovalçuk və başqaları tamaşaçılara xoş anlar yaşadacaqlar.

İyulun 28-də “Leninqrad” qrupu konsert proqramı təqdim edəcək. Eləcə də A`Studio, Dan Balan, Elvira T, Jah Khalib, MONATIK, MOZGI, Aleks Malinovski, Aleksandr Panayotov, Aleksandros Tsopozidis, Aleksey Çumakov, Ani Lorak, Band`Eros, Qlyuk’oza, Qriqori Leps, Djiqan, İrina Dubtsova, Karina Xvoynitskaya, Kravts, Lolita, Mari Kraymbreri, Nastasya Samburskaya, Slava, Timur Rodrigez, Yulianna Karaulova, Yuliya Kovalçuk və başqaları çıxış edəcək.

İyulun 29-da Valeri Meladze və Lyubov Uspenskayanın yaradıcılıq gecəsi olacaq. Habelə A`Studio, Denis Klyaver, EMIN, LOBODA, MBAND, Aleksandr Panayotov, Aleksey Çumakov, Albina Canabayeva, Anjelika Aqurbaş, Ani Lorak, VİA Qra, Vera Brejneva, Qlyuk’oza, Qriqori Leps, Danil Buranov, Diana Arbenina, İrina Dubtsova, Polina Qaqarina, Slava, Soso Pavliaşvili, Timur Rodrigez, Yuliya Kovalçuk və başqalarının ifaları təqdim ediləcək.

Festivalın təşkilatçıları müğənni və bəstəkar, Azərbaycanın Xalq Artisti Emin Ağalarov, Rusiyanın Əməkdar Artisti Qriqori Leps, “Russkoye radio”nun və “Qızıl qrammofon” mükafatının təsisçisi Sergey Kojevnikovdur.

Foto: Zaur Mustafayev

Məqalədə:
Xəbər lenti

Xəbər lenti