Bakı. Çingiz Səfərli - Trend:
"Nizami ili" bu gün səfirliklərimiz vasitəsilə dünyanın müxtəlif ölkələrində qeyd olunur.
Trend xəbər verir ki, bunu Milli Məclisin deputatı Soltan Məmmədov "Nizami Gəncəvi Mədəni İrsi XXI əsr" simpoziumunda deyib.
Onun sözlərinə görə, bu tədbir də həmin silsilədəndir.
"Tədbirin bu səviyyədə təşkili və iştirakçı sayı onu göstərir ki, Nizami yaradıcılığını, Azərbaycan ədəbiyyatını sevənlər çoxdur. Bu gün hər birimiz tariximizin qürurlu və şanlı səhifələrini yaşayırıq. Azərbaycanın tarixi şəxsiyyətlərinə qiymət verən bu tip tədbirlərin keçirilməsi də təqdirəlayiq haldır", - o bildirib.