...

Yeni Ramanada 27 ağac kəsilib, materiallar prokurorluğa göndərilib (FOTO)

Gündəm Materials 10 May 2018 09:41 (UTC +04:00)
Yeni Ramanada 27 ağac kəsilib.
Yeni Ramanada 27 ağac kəsilib, materiallar prokurorluğa göndərilib (FOTO)

Trend-i buradan izləyin

Bakı. Trend:

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən keçirilən reyd zamanı Sabunçu rayonu, Yeni Ramana qəsəbəsində yaş köküstə 4-34 sm diametrliyində 27 ədəd müxtəlif cinsli ağacın kəsildiyi aşkar edilib.

Nazirlikdən Trend-ə verilən məlumata görə, araşdırma zamanı ağacların Yeni Ramana qəsəbə sakini Elbrus İsmayılov tərəfindən kəsildiyi və təbiətə 12450 manat məbləğində ziyan dəydiyi məlum olub. Faktla bağlı akt tərtib edilib.

Dəymiş ziyanın məbləği cinayət tərkibi yaratdığından qanun pozuntusu ilə bağlı toplanmış materiallar məsələyə hüquqi qiymət verilməsi və təqsirkar barəsində qanunamüvafiq tədbir görülməsi üçün Baş Prokurorluğa göndərilib.

Məqalədə:
Xəbər lenti

Xəbər lenti