Bakı. Trend:
Yaponiyanın Baş naziri Yoşihide Suqa daha yeddi prefekturda "COVID-19" pandemiyası ilə əlaqədar fövqəladə vəziyyət elan etdi.
Trend-in məlumatına görə, Tokionun şimalında Toçiqii, Yaponiyanın mərkəzində Gifu, qərbində Hiyoqo, Kiyoto, cənub-qərbində Fukuoka, Osaka və Aiçidə elan edilən fövqəladə vəziyyət 7 fevrala qədər qüvvədə qalacaq.
Fövqəladə vəziyyət elan edilən ərazilərdə sakinlər ciddi zərurət olmadan evlərini tərk etməkdən qaçınmalı, restoran və barlar 20:00-da bağlanmalıdır. İş yerlərində çalışanların sayı 30 faizi keçməməlidir.
Tədbir koronavirusa yoluxma hallarının ölkədə 300.000-i keçdikdən sonra tətbiq edilib. Paytaxt Tokioda bu göstəricinin son sutkada 1433 olmaqla 78.566-a çatdığı bildirilir.